2012年5月6日 星期日

sng-khùi siáu-phín

Lán chò sian-siⁿ-lâng ê, kú--lâi, lân-bián kóng tio̍h oē ē án-ni. Tài koá ài ka̋ng kà-sī, soat-kàu ê khùi-kháu. To kiaⁿ lâng m̄ tha̍k chu, m̄ siū-kà koh. Sû-put-ti, liông-io̍h khó͘-kháu, si̍t-oē chha̍k lâng. Kò͘ lâng oàn khah kín-khoài.

Sī-kóng lán só͘ chai bat ê mā kan-ta chheh-bīn lāi-toé só͘ kóng, choē-choē m̄-sī lán chhin ba̍k kìⁿ, chhin chhiú chò ê tāi-chì. Lūn chin kóng, he mā sī 1 khoán chū-khi-khi-jîn niâ kám bô-iáⁿ. Lân tio̍h-sī án-ni, te̍k-pia̍t ài chū-khi-khi-jîn. Ká-ná pe̍h-chhat-oē chiah ē-tàng sù hō͘ lâng pêng-an, hēng-hok ê khoán, ta̍k lâng lóng án-ni. Ah, kóng--khiaih chin-chiàⁿ pe̍h-chha̍t-oē khak-si̍t khah téng lâng ê ì, sūn lâng ê sim. Ná thn̂g-sng oân-á leh.

沒有留言:

張貼留言

Iū-koh leh siá he ah

 Iū-koh leh siá he ah bô thâu bô bóe Khoài pō͘ oh kái--ê  In-iû lâng bat  kā i kiò-chòe si-jîn sim-koaⁿ tòe kha-chhng phû kah pòaⁿ-thiⁿ-tén...