Mp3Player

Saturday, 31 January 2015

悲傷動物 [閱讀摘句]

 Tī kui-ê 土匪政權 ê 時代內面,gún 所有ê 人 攏極嚮往
迢遠ê 國度 kap 光景,chhan-chhiūⁿ 監囚 眠夢i 所愛的料理 hit款。
所致,lán 問lán ka-kī,美夢若thang 成chin,lán boeh 去toh位?

Friday, 30 January 2015

Hu去ê故鄉

正月底完成, 臺江臺語文學 13期

故鄉chhan-chhiūⁿ kì-tî,一切感情所蘊含,也是一切意義ê根源。

Chit幾年家族á內,gúnpē in hit-iân--ê liân sio-sòa死幾āê去,所致,內山祖產pun thn̂g ê 問題浮出檯面,gún tio̍h 去處理。是講ka-kī 兄弟姊妹對祖產ê山田土地  tio̍h bô-kâng ê 經驗kap 感情。Koh,有--ê khah 匪類--ê koh會想boeh 變賣chó͘-sán, --ê khah有情tio̍h甘。
Lán kah牽手徙來kah 麻豆chia 10年滿ah。人生有thang ê 10 年? 麻豆chit-lê 生產文旦出名 ê Siraya古庄社敢bōe-sái 做故鄉?Thang走閃kàu chialán 足感激好朋友牽成。Hit-chūn, lán人少年氣概,為著1á志氣,無khòa 路頭迢遠,台北pē-bú 會暝日掛吊,硬心離開。致kàulāu-bú 過身也無i tī身軀邊。Káⁿ m̄-nā 100 pái hō͘ 人講lán是不孝,冊讀lú-koân-lú 無效。故鄉情敢是親情?Lán塗親ê親chiâⁿ,足gâu kā lán khau-sé phìⁿ-siùⁿin bōe-tàng 了解lán ê意向kap理想。Che lán tio̍h khioh 起不論,pē-bú 也是chiah hō͘ lán 心肝艱苦。In lóng 山內tau tōa-hàn,封閉保守無lehchit siáⁿ-mih 天年,kan-ta求有做thang chia̍h安穩過日tio̍h好,免講實現自身理想chit款無影無跡ê價值。

Lán是發現冊讀koân孤單niâ

電姬戲院
Lán sòe-hàn tio̍h 足愛步lián 四界走。Che pān-phoe 是我會kap gún 牽手 thang chiah ê 要素之一。I 講過,in 大學1 ê 老師有kā in 教,講見若kàu 1 lê 新所在,tio̍h-ài kŏachiâⁿ去認識、了解。當地人án-chóaⁿ 度活,生活慣勢、kap chih-chiap án-chóaⁿi 尤其愛se̍h 菜市áLán 內山本性khah 畏人,chhùi khah 土白,所致lán khah愛散步看光景。麻豆,lán  chhím kàu ê時,mihlóng sek,特別siōng 出名 ê 文旦柚、碗粿。Lán bōe 少學費學chia̍h文旦、紅文旦、西施、白柚。聽人講麻豆好額人chōechōe kah 無愛hō͘ 鐵枝路kòe,講起柚á ê 起源傳說,聽平埔番走飆,19 pha ê 教堂,kap日人á來麻豆街設曾文郡。看老人the̍h 3 ê博士ê手記、古早番á契,貝塚遺跡、買郎宅傳說、麻豆古碼頭,kàu麻豆學院,講總爺糖廠kapsoah ê 糖廠國小、講龍喉鳳池、講起kheh甘蔗ê大石車,台南出皇帝ê hàm 古,kap 第一夫人in pē-bú tau,阿扁á總統,koh 講起陳雷寫ê李石頭ê古怪病水堀頭hiaKoh 有五王代天府、護濟媽祖宮、十二婆姊、十八嬈、陣頭se̍h境、番á廟,公廨夜祭孝海、尪姨牽向、Alid祖,koh烏山頭頂水庫kap改變嘉南大平洋ê嘉南大水圳、kàu chhîⁿ倒風內海吹--來柚á宅無半支草ê夕陽風。

Chia 2 kài 大水了後,lóng lán sù常日子足hn̄ghn̄gkhah輸來去沿chia舊街路欣賞舊建築,ta̍k間都比新起ê khah súi koh ta̍k戶無kāng。是講 long hō͘ 花巴哩貓ê 看板 cha̍h--khìIah 街路都無gōa 闊,亭á khakha路,sīm-chì車路nih lóng chhah chhia,行路窮實真為難。Koh-khah 免講thang hō͘ gín-á thit-thô ê 埕,莫怪人人精神lóngkah ân-ân,生活lóng hiah 緊迫趕狂,連chiah kha an-ni ah kohLán khah 近電姬戲院thang tio̍h,講也是傳說ê物,in 愛膨風講heBaroque 風格。一直吊1 塊牌á beh 賣,kàu taⁿ。有1年,聽講吳念真phah電影,有來chia khioh 鏡頭,當時有sió-khóa 畫妝。了後,一直放leh無人顧,連絡人teh 台北iahsiáⁿ 都市。真chōe mā an-nî lâng顧,iahchhun老人tī lehhit款古早款ê,正身護龍三合ê,磚á瓦,塗kat壁,也有磚áê。老人老化the眠床底iah未死,tio̍há倒了了,若死,厝liâm-mi khat-á khat sakKoh 1項怪tāitio̍h是老人ê物件lóng piàⁿ-piàⁿ 車車出去燒掉,無任何數念珍惜。無外久,新厝tio̍h leh ah。所pái,麻豆lán kàu taⁿ iah 1 khah thang khah 安心ê所在。

來麻豆chìn-chênglán tī新竹也tòa beh óa 20 年。Khah án-chóaⁿ mā 是做客。讀冊、做兵chia̍h頭路。Google看學校,大門變調,校舍mā lóng換新,轉去hoān-sè chhōe無路。讀書ê時,學校免講,竹塹城內城外走透透,東西南北大路liu-liu去。護城河、新竹之心、動物園、媽祖宮、鄭家祠、城隍廟、變做chhah車場ê書院,紅關公大像、玻璃、十八尖山、南寮漁港、siōng早印象是港南海埔新生地kah 海水浴場。講有九降風ê米粉kap摃丸,傳統肉餅,koh有客人êákah柿餅。退伍去tòa竹北hia冬外,尾--á有時坐bus 經過 hia,驚倒人,樹á lóng變做lâu-á厝,koh 聽講厝足貴,因為高鐵hia有設站。人ná-sêng 蚼蟻teh chit棟大樓kah hit棟大樓門chhùi nǹg nǹg去。聽講全國納稅金siōng chōe  ê 都市,he mā m̄是故鄉。

觀音山
Koh chin-chêng tòa台北新莊kàu高中讀了。Tòa丹鳳,gún厝無電視,4點放學,厝內kan-ta老阿媽,lán當然hui-hui去,四箍圍á足熟,三洋、台富、東元lóng1 人闊ê巷路thang nǹgHia 1堀埤á看布袋水蓮koh thang挽免錢ê蕹菜,去圳溝釣田kap-á,過年kap隔壁街ê對頭放沖天炮對削。Khah hn̄gkah 陳誠公墓用椰子葉包chhu山坪、泰山嚴穩穩沈靜、輔大。 Hit時,iah kohchōe 田,gúnchit排後壁tio̍h是田,種稻á,收了也是gún thit-thô ê 所在。學校kan-ta頭前縱貫路,後壁周圍是田,lán永遠會記得,稻á花開,做kūi ê hit-chūn,風會按學校chit pêng 吹對泰山去,1 1 金黃金黃êálán ê心肝, bōe輸風吹,一直去一直去。Pháng 是四年á下學期,中站下課ê chūnKoh hit 暝,lán --tio̍h 發燒,pē-bú lóng hō͘lán 吵精神,āiⁿ lán 去丹鳳街á頂醫生館lòng門,尾á chiⁿ kha-chhng 退燒。Koh 1 pái,風颱過,阿1 kha桶衫去溪á洗,溪á有魚有蝦koh有毛蟹、蛇。Kàu 五年á,搬厝kàu海山里。Lán 會記得前1暗,gín-álóng來相送,比毛毛ákhah êsap-á 按路燈飄落,gún kō͘ áu ê poe-lêng-ki 迴旋,kapchiâⁿ 平起落。了後kàu讀國中高中lóng hŏng學校內底。Lóng 無致覺tio̍h 四周圍lóng teh 變化。Lán 高中讀了,有1 nn̄g pái --去巡,lóng -- ahLóng 鐵皮厝工場kah販厝點á膠路,kah麻豆相像車chhah kah cha̍t thóng-thóngChit-má 是無1thang bak ê 捷運站kah大賣場。

山頂光景
Án-nilán kha落塗ê血跡地leh Hit-chūn lán 厝後,ka-kī做水日用,kan-ta he tio̍h 有魚有蝦。門口埕曝chhek-á、唱歌、thit-thô、寫字、看火金姑,有時koh tio̍h bih 警察。天狗食月ê時,聽長長短短的鼓聲;半暝看人chia̍h酒、相piàⁿ,有時sio-phahKohtiâu kah sńgpeh áchia̍háTòe 阿媽送點心hō͘ ,過ta koh tú tio̍h 大尾蛇;hō͘ 阿媽āiⁿ去挽柑á;愛哭愛tòe路,沿路行沿路吼,行過淹kah 胸坎êkohtio̍h 水蛇;tòe 阿姊去讀書,tio̍h 透早天bōe光出發行2點鐘久, hō͘ 隔壁ê書空heh哭,tòe bōe tio̍h mā khàu,半路同學in tau á 哭;寄讀半工,sńg 半工,1角銀 10粒金含糖;去 下間別人tau 買霜仔chia̍h;豬tiâu後跋斷kha骨;半暝睏kah hō͘阿公踢落眠床khaChia 講會了bōe ê所在7歲離開,tio̍h hŏng 新編做茶ê故鄉,tio̍hkoh 設茶葉博物館leh。聽講雪山磅空去挖tio̍h gún hia ê 水脈,pháng --來, 山會hu去。故鄉?huê故鄉?

麗卿結婚hit 日tī 門口
本成lán想講lán讀書人有讀書tio̍h好,ka-kī1間書房,tio̍h thang 安然自在,做lán平安ê世界人ah,世界tio̍hlán ê 故鄉。Siáⁿ-mih(pháng 大文學家)bat講過,文學是我心靈永遠ê故鄉。Che 的確the講精神方面 ê tāi-chìphah算理想抱負也ē-sáiIah是講,汝tī toh位,tohtio̍h是厝, chit款漂浮ê愛情宣言。Lán 知影真chōe Tâi-oân人,尤其lán hia-ê 讀書人lóng有世界公民ê信仰,對現實供養i生長ê土地顛倒無了解、便若無了解也tio̍h無感情。聽講是hŏng洗腦去ê結果,講tio̍h外國lah lah 叫,叫i 紹介ka-kī 徛起ê所在 soah無幾句。Koh再講siōng 無天良ê是轉去故鄉,無人講故鄉話,你講故鄉話sáⁿ人聽有。Lán 1 pái 陪朋友轉去Takaogún 2 lâng kóng台語,in gōe lán mài講英語,英語足難nehKoh ū 1 páikoh有賣新聞leh,講外國轉--來台灣ê少年人想講ē-tàngtio̍h khah chōe 台灣話,結局soah lóng bōe tio̍h,台灣人顛倒叫I mài講台灣話,台灣變成是台灣人的故鄉ah。所有的kì-tî印象kap 感情lóng hu ah。所以,lán m̄-nā孤單,koh一直有人kā lán ê kì-tî烏白改變畫妝,hō͘ lán不管時lóng bōe tiāⁿ-tio̍h過日。

Said 講:1 lê 已經失去iahhŏng bōe ê 世界。Said1 ê 正英語名,koh I ka-kī無法度確定母語。Lán的確khah kah-ì A-jîn ê 氣概,走chhōe流浪ê台灣,iah是,Tâi-oân 無獨立建國,任何文學獎對我lóng無意義。 Che Said ê 氣味。Lán 心肝酸kohânhŏng 殖民 ê 敢有故鄉?

M̄-thang ūi-tio̍h ka-kī chek-chū châi-pó tī tē-chiūⁿ, tī hia ū thâng kā, ē siⁿ-sian pháiⁿ khì, mā ū chha̍t-á ē ó͘-khang lâi thau-the̍h.Tio̍h ūi ka-kī chek-chū châi-pó tī thiⁿ-téng, tī hia bô thâng kā, bē siⁿ-sian phah-pháiⁿ, mā bô chha̍t-á ó͘-khang lâi thau-the̍h. 馬太福音619-20