Mp3Player

Saturday, 28 February 2015

228 m̄-káⁿ khì hian ê Tâi-oân le̍k-sú

2015 Feb 28 無花果
Tâi-oân lâng kám是受 tio̍h Siōng-tè chhiù-chhàm
228 [真正恐怖ê 是 3 月初7, 支那軍上山來開始3 kang 無差別有計劃ê 大屠殺, 當然koh ài kā sòa--loaih ê 清鄉, 戒嚴 算在內] Lán 以早, mā hông 騙[phah算, hit時所 ē-tàng the̍h--tio̍h-ê 資料, 研究所 thang 知 ê niâ ]講是官逼民反!事實是 國民黨軍統治 ê 必要手路 niâ--屠殺精英做主要目的 [殺100 ê, 只要 thâi tio̍h 1 ê tio̍h ē-sái ah], 也tio̍h giú 平民陪葬 thang 擾亂人民思考。 

Lán 聽tio̍h ê 任何1 ê 二二八故事, lán lóng心肝挽ân, 強強m̄敢聽了, 也m̄ 敢講hō͘ 序細聽。Koh 知影in 支那人歷史lóng猥造ê 了後, lú m̄敢聽、看in ê 版本。

蔣介石 kap i ê 國民黨軍, sim-hēng 陰鴆無情,行做粗chhân 狼毒 siuⁿ過頭ah, ta̍k 件 lán 都無táⁿ thang 承受。Lán m̄敢看, he是人性失無造成時代ê大悲劇, m̄是時代ê 悲劇造成人性失無。

勦滅台灣ê 精英, 連普通中下階層ê 也lóng 無放, sió-khóa 干連tio̍h, tio̍h lia̍h 去thâi, in ê 兵á無歡喜也ē-sái 亂使放chhèng, chhìn-chhái 考, 考tio̍h 汝tio̍h 加衰ê niâ.

Siōng 可惡koh 有 半山á, chhiūⁿ 連震東[1人代表niâ, koh 足chōe] hit款ê, 知影, 怨妒siáⁿ人有錢有好名聲, tio̍h kâng o͘-pe̍h 抓, koh 侵佔人ê 家伙。Bōe輸ka-kī 厝內ê 了尾á, 去外口chhōa 強盜土匪來cheng-piàng, 六親不認, 了, 分錢財, koh 劃分土地做土番王。[che ē-sái 讀 吳濁流ê 無花果 kap 台灣連翹] lán 知影hit 款, 字字血淚ê 氣苦感受, kap 字字ǹg-bāng ê 沉重苦心。

Kàu chit-má chit 款戲齣, lán Tâi-oân iah 搬bōe soah. 汝看 koh 有 lán sió-khóa 知影ê 余豋發案[匪諜案保外就醫, 不明不白死], 陳文成案[1981不明不白死], 林義雄家血案[1980], cha-bó͘ kiáⁿ案,lóng 無真相, 無交代, 無解決,  beh 叫chia ê 受害者kap 受害人家屬原諒, 汝憑 siáⁿ-mi̍h?

2015-1947 是外chōe 代人leh. 阿公阿媽ê 歲頭niâ, Lán Tâi-oân 人 1949了後pháng tio̍h 是hō͘ 上帝咒懺 ê 東方fig 無花果, 1 ê 細細ê khaⁿ-á tio̍h 會活 kah, gâu siⁿ, kāu 子, bōe 開花, bōe hông o-ló, bōe-hiáu走閃, bōe-hiáu反抗, 據在lâng sóa, 據在lâng 栽, kì-chāi 人挽, 據在人剁, 據在人 挖掉。

Kàu taⁿ, iah koh 是土匪,  thâi人放火ê leh 坐大位, hō͘ Tâi-oân 人服祀, 禮拜, 殺人魔石像chhāi tī kui Tâi-oân ê 學校、公園、廟、機關, 比lán 所知ê 歷史khah chōe, 比lán 冊房 ê 冊 koh-khah chōe。Koh是 àn tī gín-á ê 生活空間 hō͘ gín-á khai-sí 慣sì 殺人魔, 慣勢 i ê 存在, 慣勢 i ê矛盾, 慣勢 i ê虛偽價值。 1 日ê生活, gín-á tī學校ê 時間, 大概 佔i 精神ê是時間 siōng chōe, án-ni 有驚人--無?Ah 講 有疼心有正義感ê 老師leh?I 有ka-kī ê 家庭 ài 顧, ka-kī ê 生活ài 顧, tī 校園, 社會領受過頭chōe ê 名聲kah 敬重, i 若乖乖聽頂司ê話, i ē-tàng 保持擁有, 若無chhiūⁿ Tâi-pak蕭老師, kàu taⁿ iah bōe-tàng 回復khang-khòe。 人講 liu-liu-chhiu-chhiu, chia̍h nn̄g 蕊目睭,有樣看樣, iah是khah chhân ê kóng thâi雞教猴--chi̍t-ē, 敢出頭ê, tio̍h lia̍h 來斬頭, 免nn̄g-saⁿ 回 眾人著乖kah ná 孫leh ah。所以, lán ǹg-bāng 要求學校ê 老師有公理正義, 的確ná peh樹頂去 向望lia̍h tio̍h魚。

Chiah-ê 老師, 有ê khah 精光ê tio̍h 教gín-á, 聽1 套, 講 1 套, 做1 套, koh 心內ka-kī 想1 套, 講che 是i 成功ê步數。Lán Tâi-oân 人ê 序細tio̍h 自án-ni, 細漢 白賊 tio̍h 學kah足chiⁿ, 足gâu. 但 khah 條直ê, khah han-bān ê tio̍h 真艱苦過日。

An-nî 社會無人thang 信用, 無人thang 互相幫助, 人人自危, 人人安鐵窗ka-kī 關--khiaih。驚隔壁ê 厝邊頭尾[藏]歹人, 有--無, 社會新聞tiāⁿ leh 出, pē-bú 厝邊 lóng 講in ê gín-á 乖, 有禮貌, 無可能 做phái, 若有 lóng 是外口ê phái gín-á thōa tio̍h. 我leh 騙鬼leh bōe chia̍h chúi。Siáng  是外口ê phái gín-á haⁿh?

Kiaⁿ日, 228連假, khah chōe lóng 帶歡喜ê sim-chiâⁿ, thang kui 家口á 做伙, 出去踏山看青leh, iah是去聚餐chia̍h hó料理。 Che 也無siáⁿ thang tiám-tuh, in m̄-bat, in kah lán 飼ê 厝內狗仝款, ta̍k日有thang chia̍h, 有 1 位thang u , in tio̍h 穩心koh確幸確幸ah。

Tâi-oân 護土代表 烏鶖 o͘-chihiu2015 Feb. 28 
是講, lán ka-kī 對 228 也 無知影gōa chōe. 一直lóng m̄敢[實在無膽, 真無路效]去掀chit段台灣ê歷史。Siuⁿ 殘毒 ah, in 有ê 講 是大時代ê 悲劇, lán chìn-chêng mā  án-ni 安慰ka-kī, koh 有ê 講 he kah lán 無干礙, 不如ka-kī 手頭ê tāi-chì 做好tio̍h 好ah, 身軀piⁿ ê 人 照顧好勢tio̍h 好ah, m̄ thang, mā m̄免去chhap,  橫直 he lóng 已經過去ah, hit ê 無好ê 歷史 lán tio̍h kā 放bōe記, 繼續向未來前進, 創造ka-kī美好ê日子, 去煩惱he mā 無khah-choa̍h, lán 1 ê 人chiah-nih 微細bōe-tàng 做siáⁿ。講tio̍h 真有道理, in ka-kī也確實án-ni teh 度日, 騎 kha踏車, 四界lōng, sì-kòe thit-thô, hip-siòng 歡喜樂暢, lán tī chia leh 煩惱, 目khang赤, 也做無siáⁿ khang-khòe。二二八chi̍t點點á lóng bōe  影響in ê 心情, 有夠好。

M̄-koh, lán khah 無thang chhiūⁿ in hiah 樂觀, lán kā chit 幾十年台灣ê 不幸, 大不幸kah 個人ê 小不幸lóng 聯想做伙, pháng 人又koh 會笑lán 想siuⁿ chōe。 M̄-koh, lán khòaⁿ 二戰過了後, lán 台灣確實kan-taⁿ 物質生活換做現代式niâ, 精神文化 lán 感覺iah thêng tī 19世紀, m̄ bat 字 koh 兼無衛生ê 程度。Koh 連古早 會保護ka-kī 家園, 親友ê 認知kah 氣概lóng 消無去, lóng chhun 1 支 chhùi。

Thursday, 26 February 2015

hó-sim hó-hēng

Tâi-oân 有疼心ê 人少缺, 看人 艱苦, ka-kī tio̍h 目屎流目屎滴ê that 倒街, chiah 會 所有ê 民間戲曲,  戲 也好, 歌也好, lóng teh 歎悲哀, 訴苦情。樂暢歌 無kúi 條 紅。無, tio̍h ài 激 khong 激gōng, 孽siâu khùi ê。
驚 in 落魄會牽連ê 文化té-tì[株連九族], 致使lán khian 錢, tàn 銀 OK, 坐名寄附m̄-thang。
Chit pái, 2014 ah, 柯文哲也tú-tio̍h有講, 台灣人 肯捐, m̄-thang 坐名, soah 違反 柯 ê 態度。
自古 支那中國ê 統治, 確實有chit 步。 Lán 人 一般敢ka-kī 造業ka-kī taⁿ, tio̍h是無愛牽連別人, kiáⁿ兒序細 , in tio̍h 用 chit pō͘ 來控制所有ê 人民。koh 利用人性ê 弱點去分化民間團體, 鼓勵人背骨做奸細, 做 thàu-á 去jiàu, 去phô͘ in. Lán gōng 人民, tio̍h pìⁿ 互相懷疑, 互相看輕, 互相攻擊, kāng 族內都án-ni ah, 何況 自認bô-kâng 族ê gōng Tâi-oân 人。結局是免koh 2 代, chiah ê 台灣族 lóng 會消失絕種去, 過去歷史也是án-ni, chhin-chhiūⁿ  kui 百族 ê 原住民, 經過 支那清國[通古斯 m̄是 支那?, m̄-koh in lóng hông thāu 支那文化 ah, 學 漢字, 學 儒家, 學 支那統治學]了後, kàu taⁿ chiah 幾代?

https://www.youtube.com/watch?v=j6DHhM4PgVA
話講翻頭, Tâi-oân chin-chiàⁿ 足chōe chit款有疼心ê人, 人nā 病疼, 艱苦, 散赤 iah-sī 生離死別 lóng看bōe chòe, 目屎流目屎滴, 也真甘願出錢出力tàu 扶持, 助贊。  Pháng 心理防衛行動內底1 項, 投射作用。鉅大創傷, 壓力, 利用1 kóa 奇巧[pháng mā bô 奇巧, 無的確 自然 khah bā]ê步數 kā 當作 bô hiah ê 創傷, 壓力, 來維持生存ê 勇氣kap動力。 其中, 放bōe記, siōng 簡單, 也 siōng 普遍。M̄-koh, 疼khang 無醫好, oân-nā 會堅phí, 也會痲痺, bōe 消失。 Khàng tio̍h 猶原會疼, koh 會無時 無chūn tiuh-tiuh 疼[聽講 Heimingway tio̍h 是 án-ni chiah 自殺ê]。

Lán iah 無講tio̍h, Tâi-oân 人tì--tio̍h,  siōng 厲害ê Stockholm  Syndrome, 會贊同 加害人 ê 價值觀、世界觀kap 人生觀, koh 會替加害人 chhōe 百千萬理由、細節去維護加害人, koh kā in chhāi 銅像記念, 寫神話歷史誌載in ê  豐功偉業。 了後, 教示in ka-kī ê kiáⁿ兒 序細, ài 服祀 ná 神明, koh 會 出拳 攻擊 出破事實thian-thong ê 人。

Chit 款 疼 koh 會遺傳 hō͘ kiáⁿ兒序細, chiah 有厲害。Chit 款看人艱苦 tio̍h tòe lâng 艱苦, 有 1 部份也是chit 款 症頭。[chit-má  人 愛講同理心, 我想 無緣大慈 同體大悲, 是佛法入 支那了後, 落格俗化ê 變體。 ]

真ǹg-bāng lán Tâi-oân 人 ê 聰明智慧 來 發展 chit 款mn̍gh 件。  Koh 有真 chōe 款肢體失能ê 狀況 ē-tàng hō͘ lán, 也 需要lán 去 研究發明, che 對 lán Tâi-oân 人 無困難, lán Tâi-oân ta̍k 年參加 發明比賽tiāⁿ the̍h 冠軍 ah, lán 若 有心照顧 hiah-ê 人, lán 也會khah 看重ka-kī,  對ka-kī khah 好!


Tâi-oân 人 chhun EQ ê 問題niâ! mài chhap 釋昭慧 ah lah! 而且, chit ê 事件, 焦點是 保護區,m̄是人品iah是修行人!

Tuesday, 24 February 2015

bûn-hòa siú-to͘ ?

賴市長心真大ê , 也 真大出手。 M̄ koh, beh 做 文化首都, 頭 1 項, 開創母語生存空間 都做bōe kàu ah, 講 beh hông chhiò nih ?
在地母語文化leh iau飢失tǹg, kiōng-beh che̍h種, leh 哀哭, lín 大人敢lóng m̄知影?

Monday, 23 February 2015

hoân-êng chîⁿ

2015 Feb. 21 林口
繁榮sioh? lán 知影chia 原本 是 lóng 墓 ê 塚á埔lah, 體育大學....Che 起tī 山崙á 頂, 有夠厲害, 以早 有1 條 細細條溪á, 流落khah kē hia 水源地。

Lán hip相 後壁向 是 捷運路線,  lán 看bōe tio̍h 繁榮 ê 真身, kan-taⁿ 看tio̍h 幻影。
因為天kap 地 lóng 看bōe tio̍h ah, chhun  野蠻人ê Babel tower niâ。 In 共同ê 語言是 chîⁿ [錢]。

樹, 花, 草, 鳥, thâng-thōa lóng 消失無影跡, 死死靜chiauh-chiauh 無活氣, lán 無膽, 孤單起畏寒。

[醜陋與小確幸]
Lán  m̄知 in che 好額人 ê 心行 kah 精神狀態, 聽 i ka-kī 講 2 3 ê gín-á lóng teh 做 醫生, iah-sī教授? in 對面 hit 間店, 後生先 自殺死, 跳 落去高速公路, 聽風聲講, 頭斷 lìn-lìn kō。
In 到底 追求sáⁿ款ê 生活, 頭家娘講 會 kâng 潑屎。 古舊ê 小庄社, 精神bōe-tàng 安穩, 度日正常ná 會chiah chōe ?

講 cha-hng,  地球, 生物險險tio̍h tú tio̍h 滅無ê 事故, 日頭大噴發。好佳哉, 噴去 倒pêng 向, m̄是對地球chit 向來, 若無, 地球所有ê 電器lóng 會chiâu失效, 連核電廠ê 控制 oân-nā 會失效, he tio̍h 真 嚴重, 所有ê 生物的確會 真慘。

地球, 人類chhàu-tú-khám逃過1 大劫, lán 麻豆ê 烏肉sáng 竟然 講, ná 會 chiah 無彩。I lóng 自認無睏, in cha-bó͘ kiáⁿ chhoân 1 ê bt ê 智慧手錶kā i 記錄, 結果 深眠有 4 5點鐘久, i tio̍h koh 開始khiā-khi he 錶á bōe 準, 無效。I, ná 人人好[開店做生理], 項項無意見, lóng 順從身軀邊ê 親情五十leh, m̄-koh, i 也是否定自身 kap 外在一切ê 代表人物ah。 講--khiaih, in ê 日子過了比gún 老bú, 好beh 10倍leh, ta̍k-kang 開店, 透早 6 7 點, 開kah 半暝暗. 作sit時間siuⁿ 長, lán án-ni 講, in ê 意思, 驚無時無chūn ê人客來, 無sîn tio̍h phah-sńg, koh m̄甘.

但khah heh ê 日, in 禮拜六, 日tio̍h kui 家口á 出外thit-thô iah-sī chia̍h 好料ê. Lán iah tòe in bōe tio̍h. 是講, 有1 項 明顯隱憂, in 頭家致tio̍h 癌症, 手術過, m̄ 知tī時 會koh 發作。欠外chōe, lán m̄ 知影, bat 來 kā lán pái 過, i iā m̄ 敢 kap in 厝內參詳。



參考:UGE Solar Blast - 'Killshot' will Miss Earth | S0 News February 22, 2015
2015 Feb. 23 麻豆
chham

kûn âng-tāu

kûn 紅豆, lán ê 要求水準 ài án-ní, 連 湯 mā 真紅。豆á tú 開 m̄-chiâⁿ 開, chia̍h tio̍h 鬆鬆綿綿, 差不多kap 金柑糖平甜, chia̍h bōe 厭, bōe siān chiah 有及格。

kòe-nî, lâng

講年尾暗是 團圓ê 日子, soah hip 一桌chhe-chhau, 無 hip 人. 老bú 過身, 未半年, 頭1 ê 過年, 氣氛完全bô-kâng.

度活ê日子, 無幾日khùiⁿ-oa̍h, 難免疑問, lán人hô-mih-khó͘ 來出世。尤其是老bú, 自sòe 失pē-bú chhiâⁿ-tî, ka-kī 看人樣學人樣, 在生艱苦一世人, lú 看人lú 艱苦。Ka-kī leh, 好日子lóng 是 ǹg-bāng 天公賞, 幻想 kiáⁿ兒 致蔭, kàu siōng 路尾 iah-sī 目睭瞌--落去niâ。

I 確實堅強, giám-ngī, 空手赤kha kā 7 ê kiáⁿ兒chhiâⁿ 大, koh tio̍h  ho̍k-sāi 老 ta-ke, kap 樂暢ang。 拍算 樂暢ang, 有 看破天機, 嫖、賭、飲, lóng 無欠, 你兄我弟 絞群, 家庭責任放gōa-gōa, 快樂i ka-kī chi̍t 身tio̍h 好, 免siàu-siūⁿ i thang thàn錢 tàu 飼kiáⁿ, hak ke-hóe, koh-khah 免講ē-hiáu 設想kui 家 ê 將來, gín-á ê 教育。

是講現代人, 失教育, tī 社會kah人poa̍h-nóa, iah-sī berh 討趁, 汝tio̍h 重倍困難艱苦。Lán chit lê 老bú, 聽i 講 ê 入學 kan-taⁿ 4 kang niâ。Hō͘ in sī-tōa pun hō͘ 人, 改姓陳, 變做失名失姓ê 人。  Lán, hō͘ i 疼惜 飼大, m̄知, 無法度理解, 體諒chit款siáⁿ-mih 悲情ê sim-chiâⁿ。聽ĕ講, i khah 大漢了後, 有偷偷á 翻頭tńg-khì chhēr, 也有chhēr tio̍h sī-tōa, 也有兄弟, 姊妹, m̄-ku 親無親, 情無情, kan-taⁿ chhun 一身 ê 血緣, 天倫難回。Chit ê 血緣, 有註寫i ê 歲壽bô-thang 外長, i 過身chīn-chêng pat講 in 兄弟á lóng 50 外 60 niâ tio̍h 死ah, tī 告別禮拜, i kan-taⁿ chhun 1 ê 小妹thang 來。 In 按 toh 位來, lán 也lóng m̄敢問, 血緣也無真親, i ê 出身 soah 成做1 ê 迷團, 也tio̍h是 lán ê 出身也是一遍暗烏ê光景。

Lán chit 家, 兄弟姊妹對別人ê 身命, 歷程 lóng 真看重, m̄-ku 對ka-kī tio̍h 真看輕。驚kah人交陪, 驚hō͘人麻煩, 驚欠人, 根底驚還bōe 起, 的確潛意識內底kā ka-kī ê身命siuⁿ輕秤ah。有例thang看:
阿芬 tiāⁿ 會 tiāⁿ 好chia̍h mn̍gh件, 寄轉去hō͘ in thang 歡喜。 M̄-ku, 結果是, in 顛倒會問講, 是án怎beh 寄, ài 外chōe chîⁿ, koh lóng bōe-hiáu 說謝。Koh 會講, m̄-thang 費氣koh開錢寄lah, ā 無gōa 好chia̍h。 Kui 家口á ê信念, pháng sī 束信ka-kī 出力去趁, iah-sī ka-kī 去 khioh 看有人 phiaⁿ chhoaih, 人無愛ê, tio̍h 好。

Lán 的確m̄ 相信, 有人會有白白ê 好心好意pun 汝好ê mn̍gh。所致, 畏人, 的確是畏人情, kah 狗á sio-kāng, 頭永永lê-lê, 驚hō͘ 人看tio̍h lán ê ǹg-bāng, 也驚人知影, 施捨lán。因為拒絕, 也是會chhek tio̍h 人意, 會得失人, m̄敢拒絕, 換講, siáⁿ-mih lóng 無愛, siáⁿ-mih lóng 無需要, 窮實hah kah。尤其, 別人ê mn̍gh lóng khah 好, khah 讚, 心內是外欣羡leh, ná 會無愛!Kah he 名牌mn̍gh, iah-sī 去高級飯店, 名勝所在, 遊樂園, iah-sī 島外, 國外thit-thô, sio-siāng ê sim-chiâⁿ ah。Lán ē-tàng chhiau-chhōe 百千萬ê 理由, kā i 否認。

根底是否認ka-kī, kā ka-kī 看做無價值。 世間ê 解釋kap 意義lóng是lán ka-kī ê 投射niâ。 M̄-ku, 艱苦ê 是siáⁿ人? 世間運作ê理路, 無leh 看人歡喜悲哀lioh, 也tio̍h是 lán ê 宇宙bōe 同情lán ê 心情lah[悲情ê人, 無相信 祕密]。

是講, 心情開, khah 樂暢, 人ê 能力真正會khah 好, koh 會超越ê perfomace lioh。 有人講埃及ê Pyromid tio̍h 是án-ni, 自由人chiah 有才調做成功ê 產物, 絕對m̄是 奴隸工。人有自由, 創作力, 聯想力, 專注力  發揮會thang khah koân, khah 精微 。

對人情世事, lán 總驚驚, m̄敢 pôe-tòe kàu tau-tah。Lán 總 kā 人情看足重, 過重, 傷重, koh 自認無力thang pôe. 細漢ê 時tio̍h án-ní, 學費, 營養午餐 lóng 已經真逼ah, ná 有thang chhun hō͘其他 開用。 所pái, lán 開始 自作聰明, 去khioh 字紙, khioh 歹銅舊錫賣錢, koh 學 kóng 白賊騙老師, 同窗,  事實, 無hiah 艱難 mā ka-kī 渡kah 足艱難. 結局tio̍h 是, 完全bōe-hiáu 判斷局勢, 分辨輕重, 一切lóng 變kah 糊糊, 重要也無重要。 人講ê lóng khah 要緊, ka-kī ê tio̍h 先 ān leh 排後壁chiah 處理, lú 慘是慣勢養--起來ah。Kàu taⁿ bōe ké-pîⁿ。

Dandelion wifi solar

Dandelion 翻譯做 地丁, 真好。身形giáng-ngī 向天, 花形簡單, 微細, 充滿光明, ǹg-bāng。


Chit-kú, lán tī chi̍t-sì-kòe lóng 看會tio̍h solar power[太陽能發電] ah. 所以, lán 有1 ê 想法: kā wifi 基地台 遍佈 , koh lóng 用 solar power 提供能源來運作, án-ní lán Tâi-oân ê wifi 普及tio̍h ē-tàng 足完全, 足利便. kan-taⁿ koh 需要 internet server niâ. Án-ni phah-sǹg 比 mobile-phone khah 利便. Koh 也 m̄免外chōe 施工, 維護 tio̍h 交hō͘ 地方公所 里辦公室 tio̍h ē-sái ah。

Sunday, 15 February 2015

ì-sek sè-kài, kap bu̍t-lí chin-si̍t

Thang  chham-khó 《認得這個陀螺嗎?》
2015 Feb. 12 leh 想 
覺醒比死亡困難
[boa̍t-sio̍k]末俗 kap 小確幸, 美麗kap 哀愁 原來是 雙生á。

chu ài tha̍k

http://news.ltn.com.tw/news/life/breakingnews/1234301
憂「格雷」性虐成風潮 護家盟等團體跳腳
高舉kā道德giâ koân-koân ê人 koh 來ah, 台灣 iah teh 獵女巫ê 時代 sī-m̄ ? [lán khòaⁿ, 差不多ah]

----------------------------------------------------------
昨日, 開講ê時 , 有講tio̍h 書。 隨寶有人會記得當初林清玄事件前後。 林清玄ê書, 市草反應也是kāng-khoán, 
hiah-ê追逐流行道德ê 大眾,追逐, 極愛得tio̍h siōng新ê iphone,siōng新ê名牌,siōng新ê PC 一樣。ná像相信,內涵、氣質 ē-tàng kō͘金錢去買來,koh chhan像裝飾品, thèng-hó 隨時tòe 時尚時行  leh 換新>< 

Lán koh補充一個:李家同, i ê書也是高舉道德、善良、公義, 人性ê 溫暖; M̄過實際他 ka-kī ê 言行, 實在相差甚遠啊!921 ê時, i 是 暨南大學ê 校長, 伊ê 行放不如 in ê 學生。
話語 tiⁿ koh súi-khùi, m̄-koh 離 lán 所知 ê 道理 kài hn̄g ~"~ 
李家同:別讓孩子長大變社會邊緣人
---------------------------------------
書 是寫出來hō͘人質疑,而m̄是beh hō͘人相信ê 。 ------------------ Umberto Eco 

玫瑰ê miâ, 新翻譯版 koh 出版ah.推sak kah 極端: 就算聖經、佛經、可蘭經 mā是tio̍h 質疑。


----------------------
kâng 名影戲

1983 皇冠版 


cha-hng 是Tâi-oân 頭1pái 正式進行罷免ê 日子。 可惜, 失敗。
sit-pāi, táⁿ-kek, chó͘-gāi kap chi̍h-iāng tû-liáu bīn-tùi, lán lú m̄-thang bōe kì-tit, m̄-thang kā lán ê jia̍t-chêng kap lí-sióng phah ka-la̍k。
失敗、打擊、阻礙、與挫折除了面對, 我們更不會忘記,或失去我們的熱情與理想!

Friday, 13 February 2015

ì-jîn

是án-chóaⁿ lán 對 高雄挾獄ê tāi-chì lóng m̄ 志載? 1. siuⁿ hn̄g ê tāi-chì lán m̄-bat, 2. 過程siuⁿ kòe sêng 搬戲 3. 政府官員失格, 無chiūⁿ kioh!Lán 也m̄-chai beh án-chóaⁿ 講起。 網路消息滿滿是, 陰謀論chi̍t四界。 Lán 也無法度消化, 不如tī 這ê 偏僻ê 古庄社安心過日, 像無知識ê 俗民共款。



薏仁 2013 Jan 21

舊年, chiah 知影 原來, che 是薏仁!做gín-á ê 時, che tī gún 山頂, gún lóng án-ni 講gún故鄉, Pîⁿ-nâ-bér[坪林] 舊厝, lóng sa 來 kǹg kōaⁿ 做phoa̍h-liān[旆鍊] 講。 後--來, bat tī 原住民ê 影像看tio̍h in 有 做衫尾ê, 也有做樂器ê, kài sim-sek。
Lán m̄-chai che 會chia̍h chit kóng, koh是chiah 出名ê 綠豆伴。
 

sian-thô chia̍h bōe ùi

棗á kap 仙桃 2015. Feb. 13
           Chia̍h bōe ùi, 是講興chia̍h, 愛chia̍h, ē-tàng  chia̍h chiok chōe. Chia̍h m̄驚, 是講chia̍h-mn̍gh 量足chōe,  m̄驚人外gâu chia̍h. Ah hit 種 驚 chia̍h 藥á leh?  M̄驚chia̍h 藥á?kám 有人án-ni 講?講che 仙桃, lán 來麻豆khiā 了後 chiah thang khòaⁿ--tio̍h, 也chiah知影 thang chia̍h ê mi̍h, 氣味ná-sêng 蕃薯, koh 無hit款 臭塗味, koh 帶sió-khóa 草chhìⁿ, 若有夠熟, 真 鬆真phang, koh真甜。
       
           另1 種mn̍gh, cha-bó͘  李á, 1 粒 kah kiwi 差不多, 摸mā 粗皮粗皮. Phah算照外文ê 音號ê 名, kap a-bú-khah-loh sio-siâng. Chit 款 生份果子, 氣味chiaⁿ phái 介紹。聽講, 鐵質真厚, 削好, liam-mi tio̍h 會o͘去. 無 siáⁿ 會甜, 看--khiaih 厚 汁, m̄-koh 無, kám ē-sái 講是 鐵san味?
     
現挽ê 番á荔枝 2014. Jul. 30
            Koh 有1 項, 七月kàu 十月ê 款[hip相ê 日期] 番á荔枝,1 粒 差不多 1 ê 拳頭拇 hiah 大khian, 根本kah 荔枝差足大碼, siûⁿ-siûⁿ 膏膏 黏黏, 有1款chhèng 鼻 ê 涼khùi, mā 無siáⁿ 味, mā是chia̍h 講 健康ê 作用。 Lán 有去 看 chit 款樹, 足大châng, hio̍h 也差不多kap lán 1 ê 手蹄á 大, 對生ná 羽。 花 是 黃色, tú phah 苺ê時, 足sêng 包 粽, m̄-koh i 有 4 面 像 Pyramid。
番á荔枝冰沙















kér-chí sian-thô chia̍h bōe ùi, chīn-liōng m̄-kiaⁿ sa lâi thui, phêr-hu iù-pe̍h lâng ē súi, m̄-thang siuⁿ hiông kéⁿ ām-kui
果子仙桃食袂畏, 盡量毋驚捎來推, 皮膚幼白人會水, 毋通傷雄哽頷胿

sian-thô ka-pi chòe chá-tǹg, ji̍t-thâu chi̍t ji̍t chi̍t ji̍t tn̂g, chèng-hú to̍k thâng ti̍t-ti̍t chhńg, pó-tó kui-ê chiâu pha-hng
仙桃咖啡做早頓, 日頭一日一日長, 政府毒蟲直直吮, 寶島規个齊拋荒

Thursday, 12 February 2015

khòaⁿ thiⁿ

khá-sú 地上人ê tāi-chì, thang 照天理運行.
Lán 是m̄是khah thang giâ 頭看 天?
欣賞i 曠闊ê 心, 無所不包ê 大, kap對萬物 純淨ê 容允



鯉魚飄2015.Feb 12
Cha-hng 高雄監獄, 有烏幫ê 監囚, 6ê 挾持典獄長。 了後, 顛倒夢想ê 劇情, koh 1 pái teh lán ê 寶島搬演. tio̍h lah, tio̍h是因為 hia ê 中國人, 所組織ê 政府, 司法, 執法 lóng 無1 ê 公義ê phiau-chún, 致kàu lán ê 寶島 pìⁿsêng 鬼á島。

島民, 穿插是 人形人pān, 文明科技koh也tòe 會tio̍h 21世紀ê 頭前chām. 真正是 看tio̍h 鬼m̄ chiah 會án-ni。 

眾人ná-sêng lóng是勞苦度日, 所致無愛ka-kī ê kiáⁿ-jî koh-chài 受苦, soah 連 送in 去學校, 也berh 選 khah 輕可ê 科系 去tha̍k. 事實, 物質生活早tio̍h 超過必須程度hn̄g-hn̄g ah. 

Hit 種 飫饑欠缺ê 心理創傷, 的確深深刻印tī lán ê 俗民大眾心肝頭. Chit ê 症頭, gún bú--á tio̍h 真明顯。I 也 不管時lóng teh 煩惱i ê kiáⁿ-jî sī-sòe chia̍h 有thang 飽無, chhēng 有thang 燒 無, 用 有夠無。無khòa 講, i 也有 3台 冷氣機, 2台冰箱, 3台電視, kiáⁿ-jî sī-sòe 也 lóng 超過 30 ah.  

汝berh 講i 母愛偉大, che 的確有影, 有母愛, m̄-koh lán bōe-tàng 承認 有 偉大ê 成分。顛倒講是痴, 是愚, 是制約死ê 精神. 感念母愛, 講母愛偉大, 人人愛聽, 人人輕鬆. 事實咧!

Gún 阿母, 確實是疼惜lán. I 驚lán 人生路程艱苦, i 一生艱苦kah 有chhun, i真正足驚 sī-sòe chhiūⁿ i hiah 艱苦, 用心計較, 費盡苦心, 連身命都hē 落去栽培lán. 可惜, 眼界總是有限, 尤其逼ân-ân ê 度活日子, 佔去超過5 份 4, hō͘ lán ê sìⁿ-miā 觀 竟然 hiah-nih 淺, 短, 讀書後pái 趁錢 khah 輕鬆tio̍h 好a。
I 也 確實kā gún 1 家 kâⁿ leh, keng持 leh. Hō͘ gún 有家庭, 母親ê 疼 kap 溫暖. 對照, gún lāu-pē i 樂暢放蕩ê 生活態度, 阿母ê mî-chiⁿ kap 付出 也m̄ 是空虛無重量. 總--是, i  phah算 kàu 死, mā iah m̄知 i ka-kī 真珠ê 價值。的確m̄知, 無 應當bōe kā 後半世lóng hē teh khioh怨。

Siáng 會知, 讀書了後, lán tio̍h 知影世界闊bóng-bóng, 人生多彩多姿, m̄-nā án-ni. Soah, tú 頭反對讀書是為tio̍h 趁錢。Kàu taⁿ, chit ê 意念固執tī心肝, iah koh-leh hō͘ lán chia̍h苦。《植》有講tio̍h, i 是phìⁿ-siùⁿ, kā讀書kan-taⁿ當做是改變生活條件ê手段。
星也teh 偷看lán 2015 Feb. 12

bô lán ê iân

沈光文紀念碑
Cha-hng 按台南tńg--lâi, 騎車berh 轉 麻豆. 看tio̍h 指標, oat 去看。 án-chóaⁿ 看, lóng 無 lán ê 緣。
In 講 沈光文是Tâi-oân 人 開化ê 大功臣。 大概, hit ê 歷史演進bōe-tàng 阻擋, lán 反對, 觸惡i mā 無可能改變台灣 長期深沈ê 悲情歷史。 總--是, lán ǹg-bāng lán ka-kī tio̍h khah tióng 志leh, ka-kī ê 歷史ka-kī siá。

             看tio̍h 邊a hit ê 鐵鉼厝--無?Lán chia ê 俗民文化, 的確mā 無接受 hit 款官方ê價值觀, 是講chit-kú 時行用chit款mn̍gh 件 leh kā 政府申請金錢. 有錢siōng 無thang kā 環境整理kah khah sù-sī, sió-khóa khah 會看口leh, án-ni mā 好。

             Chit chām, 台南四界lóng 有kā 圍籬 ōe圖ê 計劃, 也有真chōe 成果出現。 M̄-koh, súi 是súi, lóng 外國人物 (mn̍gh)!無采工, 完全無自信, 無自覺, 也無價值, koh hông 批評講 會 破害農村ê 舊厝kap舊建築。
            有人講, bōe-sái 講 "老街", "老厝", 講che 無sìⁿ-miā ê mn̍gh, ná會老? Tio̍h 講舊, 古 chiah 會通。 有影, lán 台語有teh 分 有sìⁿ-miā kah 無sìⁿ-miā ê mn̍gh.

            Chhiūⁿ 講, moa 衫, 被單, 外tha̍h, 用leh 有sìⁿ-miâ ê 人物 頂頭。 Nā phi 披, tio̍h 是用teh 無sìⁿ-miā ê 所在。Koh有1 ê 例, 有 1 ê 客人gín-á 硬操台語3 4 個月, iah是會講 "我手機á bōe 記得 chhōa 來." Lán 好心姊妹kā 講, tio̍h 講 "chah", án-ni mā kài sim-sek. 事實in 客人也有分, chhiūⁿ 講tio̍h 生kiáⁿ, in 講 生 是 精生 [頭牲á] chiah leh 用ê, 人 愛 用 "kiung". Lán 也有講 雞 鴨生nn̄g, 用 "pū--ê",  了後 "出" 雞á-kiáⁿ 等等。 講tio̍h kài 趣味。

            Che 講話, 本成tio̍h 是beh 傳 生活方式, 慣勢, ǹg-bāng 起造khah 好ê 未來thang thn̂g hō͘ 後世。M̄-koh, lán Tâi-oân 人 ê話語, 因為失栽培, 看顧, 連1 ê  標準書寫都hông 放leh, 拖屎連, koh-khah 免講 berh tèr tio̍h 時代ê 現代用語, kap精密描述, 當然mā chiok欠缺。Koh 有1 門 大問題, tio̍h是 外來語 ê 轉譯, 普通人只好 saⁿ 濫, 1 句台語 也有日語, 也有英語, 也有國語[mài koh 問ah lah, 汝去看 小學課本寫siáⁿ 語]。 Ah chit-má 連續劇ê 台語, siōng hàm ê tio̍h是 講tio̍h 人名, lóng 真自然kō͘ 國語去講。M̄-koh 聽ĕ 講 che 真符合chit-kú Tâi-oân ê 語言現實 lioh.  M̄是以早he 戶政人員 聽無 "boán"  寫做 婉 hit款。是 國校老師kap電視所牽khioh ê 結果。

sià-kí

           In 講, 人tio̍h看汝ê kiâⁿ-pàng[行放]來定義。
           是án-chóaⁿ m̄ 甘願認份做1ê 凡夫俗子?Lán tī Tâi-oân 出世, 受家庭俗民生存ê教育, 所有ê見解, 價值lóng tī 溫室內底, in 所ǹg-bāng ê 成人, tio̍h是kap 隔壁ê sio-kāng, siōng 好 khah 好gia̍h-ê khah 好.
           Gún lāu-pē phah-sǹg kui 世人m̄-bat 煩惱chia̍h-chhēng-ēng ê事項, 樂暢過日kàu 40 外外. I khòa心ê 我看kan-taⁿ in bú--á, mā過身足久ah, Koh in bó͘, tio̍h 是gún bú--á. Gún bú--á, tú好tò-péng, 按 i  [m̄是我]bat iah m̄-bat tāi-chì tio̍h 一直煩惱 kui 家口á chia̍h-chhēng-ēng ê事項, 一直kàu 瞌目tn̄g氣。 I ê 身世soah pìⁿ-chòe 1ê 謎.
            M̄-thang kah 人相chiⁿ, tio̍h 吞忍,  i lia̍h  leh 做家教, 致kàu, lán tī 外口有衝突, 定規先hông 摃, koh ài kâng 會m̄-tio̍h 失禮, tio̍h 算 是lán 無m̄-tio̍h, 也無失誤, 也tio̍h án-ni。Lán kêng實bōe吞忍chit, m̄-ku mā m̄ 敢 違逆lāu-bú ê 教示. 結局, 自身存在感 也漸漸淡薄去。 敢是án-ni?
            回想lán ka-kī, 大部份ê經歷, 足chōe ki-hōe, tāi-chì, lóng  m̄敢 全心去做, lóng tio̍h 先chhūn後, chiah tám-tám 去bak, koh 若 khah要緊ê 坎站 lán iū-koh 會收kha. 所致, 無1 項成就~"~


看, kan-taⁿ 寫kah án-ni tio̍h koh tòng-tiām ah。Kan-taⁿ 有 足chōe 想法, 計劃, m̄-koh lóng 無 去 實行, 當然tio̍h無成果。 Koh-khah chōe lán ê 人生是費 tī 情緒, 情感ê調整。 Ná 會 chiah chōe 無 好ê 情緒leh? 到底lán 一生是beh án-chóaⁿ 渡過?

Tuesday, 10 February 2015

kám ū-iáⁿ

Albert Einstein  23 ê生命課程:
1. Lán 應當尊重每1 ê 人, m̄ koh 無人 ē-sái hō͘人 當作 偶像來崇拜 
2. 不得已kàu極,也m̄-thang 做違背良心ê  tāi-chì。
3.  做善事ê 原因, 若是驚 hông 懲罰, iah是想berh得tio̍h回報, án-ni 你該見笑。
4. Lán siōng大ê問題tī  過份要求做sit ê方式完美, 是講對做sit ê目的無夠明確。
5.  Thiàⁿ來做老師比責任ke-khah好。
6. 你若無法度簡單說明,代表你iah bōe完全瞭解。
7. 問題發生當時,無辦法解決是因為你ê思想iah bōe突破,汝需要一點á耐心,thèng-hāu你思想 khah 成熟ê時, tio̍h 會順順á解決。
8. 對昨日去學習,為今日來活,kā ǹg-bāng khǹg tī 明á-chài。
9. Lán ê 科技現現已經超過人性hn̄g-hn̄g。
10. ē-tàng kō͘ 數字來算ê事物,無的確重要;重要ê 事物,也無pān-phoe ē-tàng 量化。
11. 品德 低路 ê人總是會 hō͘ 權力吸引。
12. 事物 lóng-tio̍h 應該 chhan-chhiūⁿ i原樣 hiah簡單,bōe-tàng koh-khah簡單。
13. 放sak ka-kī ê偏見,你chiah chhōe 會 tio̍h事物ê本質(真理)。
14. 讀 siuⁿ chōe書, 卻罕得 動頭殼 ê 人,通常會變做 pîn-tōaⁿ 思考。
15. 一個m̄-bat犯錯誤ê人是因為 i m̄-bat khì 試探新鮮事物。
16. 一個老師 ê 極盡藝術,tio̍h是叫醒學生對創新思維 kap 知識 ê悅樂。
17. 看待小事無點陳 ê人,tī大事也無法度 hông 信任。
18. 偉人chhiâng-chhiâng 會hō͘ 思想平庸ê人強誤解。
19. 教育,是一ê人 kā在學校所學放bōe記了後,留--落來ê 物。
20. 邏輯 kā你 àn A  chhōa 到 B,但想像力 會 kā你chhōa kàu 任何所在。
21. 憤怒kan-taⁿ 存 tī 愚 gōng ê人心肝。
22. 資訊  m̄是 知識。
23. 永遠 m̄-thang  kā 神聖ê好奇心 phah 無去。

lak chhat

         隔壁先生講lán ê 厝頂 phah算lak 漆, 害伊ta̍k日 透早 lóng tio̍h 塗kha 掃kui 晡久。
         Lán緊 奉牽手命令, peh 厝尾頂去看, 正港lak 漆都tio̍h。 Hit 2 粒ká風ê, m̄-bián chia̍h電o͘h!Nā 厝內khah 燒 khah 翕, i tio̍h 會開始ká, 外口有風mā會ká, chóng--sī 通風mā 好。Peh 2 pái, hip kóa像, 驚驚緊落--來。
         Chit 20 tang, Tâi-oân 差不多lóng  hō͘ chit款 鐵phiáⁿ khàm kah bōe 喘氣, 全島lóng án-ni, ná-sêng 也無人管, 放人自生自滅。 無生滅ê時, bái chi-chi, 莫怪kui 台灣lóng互相抄, 連大學教授mā是抄, 官員mā是, 無ka-kī風格, 無ka-kī bí-kám, 美學觀, 所致無自信, 無尊嚴。



sim-sek





Sim-sek 2 張像。 感覺 無gōa 久, m̄-koh, kì-tî chiok 糊, chiok lang。
未曾生我誰是我
生我之時我是誰

           Siáng 需要教育?來真理做老師, tiāⁿ-tiāⁿ 想 chit ê 問題.  Ná教, ná 觀察, 研究. 也想berh 知影án-chóaⁿ 教 khah好. 好有 2 方面, 質kap 量。
           注重成果, 收割 ê 想法, 難免, 也khah ē-tàng 快速檢驗方法, 過程 ê 效果, iah-sī 效率. 也thang 快緊 產生價值感, 成就感. Che tio̍h 是價值. Ah 若 koh beh 要求短期 tio̍h 有thang 看tio̍h 結果, 聽講 in 有 1 ê 詞:擒青. Tio̍h 是稻 á siuⁿ 早割, chiah leh kûi水 niâ, iah bōe 飽 tīⁿ, tēng實tio̍h kā 伊 割--落來.
            Lán 看 教育也是án-ni, 太chōe 家長對gín-á ê 教育, tio̍h 是lia̍h chit 款ê 心態. 趕緊beh 展寶, 趕緊beh hông 知影 ka-kī ê 價值, ka-kī ê 厲害, ka-kī ê phah-piàⁿ, 窮實i kan-taⁿ 是 thang-berh 證明 i ka-kī 的 存在感niâ. M̄-koh, 1 時間, lán berh kah i 論理, 無簡單, 也永永會hông 講 白目, hông 觸惡.
            Lán tiāⁿ 看 四界人leh 展 kiáⁿ 展孫, tio̍h 是 chit 款. 人m̄是講 未成品, iah m̄ thang the̍h 出來?1. 未成 iah bōe 做好勢, phah算有優點, 有金光ê 所在, 當然也有欠點, 也有未來寄望. 2. kah 騎驢ê 故事相siāng, hō͘人看, 難免hō͘ hiah-ê 無干礙 ê 十色人, kí-kí-tu̍h-tu̍h, 話三話四, 終其尾影響成品.


Sunday, 8 February 2015

覺醒比死亡困難

cha-hng  li̍p-úi pó͘-sóan, kiat-kó, Thâu-hūn kap Lâm-tâu kāng-khóan koh sóan chhut KMT ê lip-úi. Che hō͘ lán, koh chài 1 pái, chèng-si̍t lân beh kak-chhíⁿ pí sí-bông khah kan-lân.
Koh khòaⁿ chit pái Ho̍k-heng hâng-khong ê tāi-chì, Kong-si, Tiong-iong chèng-hú, kap tē-hng chhiúⁿ-kiù ê lâng. Lán khòaⁿ lú chheng-chhó.
Tha̍k Koa ê pò-tō, chóng-ē hō͘ lâng ì-chì kian-kiông--khí-lâi. iû-kî tī chit-kú chit chióng o͘-àm, siā-hōe, kok-ka lóng bô kong-gī ê sî-tāi. lán khak-si̍t kah lâng bōe pí-phēng chit.
看苗栗和南投,確實覺醒比死亡困難
[補1句柯P講ê] lán bōe-tàng 因為阻礙kah困難, 打擊 tio̍h 失志, 餒志。Lán ài 保持lán ê 理想kap 熱情。m̄是單純轉念, 講ài 看光明hit面。


Lán mā bāng tio̍h lēng 1 kiāⁿ khong-lān.
[後記]Lán teh 選擇ê sî-chūn, 一直用lán 的慣勢, 愚蠢ê 理智kap 情感去重複過去ê 失敗kap 錯誤。 Koh ǹg-bāng 政府kap 奸商 有1日會良心發現, 改過自新。 Nā 無thang tit--tio̍h, tio̍h 失望, koh 怨慼 ka-kī ê運命bái, koh 怨嘆ka-kī 出世tī 鬼á島ê 悲哀!
我們一直重複著我們愚蠢的選擇,並期望政府、奸商有一天良心發現會作一些對公共有利益的事!
失望之餘還只會抱怨自己生在 鬼島的悲哀命運!

Saturday, 7 February 2015

美感ê 培養

Lán ê 美感tī當時 失落去?順從, 聽話 美感beh toh 來?
順從地方ê 頭人 來決定, 來ké-pìⁿ lán  ê 生活空間?
敢bē 潦草, 凊彩?利便tio̍h 好?有tio̍h 好?
先求有, chiah 求好? lán m̄ 信!
公共空間án-ni, 私人空間咧, 敢bōe 愈慘? 1 ê 古庄社, 無 1 ê thang輕鬆散步ê 所在。Thang kah 在地阿伯、阿嬸開講, 拉天ê所在。 講有公園, kap 校園 thang hō͘ 人走健 kap sok-kiâⁿ。
Lán 一直ǹg-bāng, 美感 kap 生活 應互相kau-koah, 互相iⁿ-tîⁿ 無分ê 1 種態度。 chhan-chhiūⁿ 講, 有真chōe 人知影有名ê 車, 包, 厝, 手錶á, 酒 等等, 是講lán kā hiah-ê  mn̍gh-kiāⁿ 買來, lán 敢 tio̍h會thang 像 in hiah 有內涵, hiah 有水準?iah 是講, lán nā 用kāng-khoán ê 態度, 時間, 手路, 精神 來做lán 面頭前ê khang-khòe, án-ni lán chit 件 khang-khòe 敢m̄是 tio̍h kah he 名牌kāng-khoán 有水準有內涵?
Siōng 要緊 ko͘h lán siōng愛ê 有 氣質。

hóan-khòng

Iōng chiah kú ê sî-kan chiah chèng-si̍t ? M̄-sī. Sī chiah kú-tn̂g ê sî-kan iah m̄ chiap-siū. Che chiah-sī hō͘ lán phû-tîm khang-hi kám ê gôan-thâu. Iā tio̍h-sī kóng, lán bo̍k-bêng-kî-biāu ê ngī-khì. Khak-si̍t bo̍k-bêng, tāi-khài Pu̍t só͘-kóng--ê bû-bêng 1 hāng chāi-lāi.
Lán thiaⁿ-kòe "Sàn lāu-pē" ê siūⁿ-hoat, chin se̍k, chin kòan-sì, iah bô thiaⁿ kòe "Pù lāu-pē" ê siūⁿ-hoat chòe-hoat. Lán lóng tio̍h khì koan-chhat hó-gia̍h-lâng kiáⁿ in ê kiâⁿ-chòe. M̄-kú, lán só͘ kau-pôe ê pêng-iú gō͘-cha̍p, bô kúi-ê chin-chiàⁿ hó-gia̍h. Ah nā hó-gia̍h--ê, in ê khong-khì lán koh kài bōe sek-èng. Koh chū siàu-liân tio̍h tì tio̍h "Pù-lâng ià-ok chèng". Berh toh thang koan-chha̍t leh.
Kám-kóng khòaⁿ tiān-sī tio̍h ū ? tha̍k chu ? Nā ū, Si̍t-chāi bô-kàu o̍ah, bô-kàu chôan-bīn. Thiaⁿ-kóng hit ê Ferrari chí-á sī 1 ê, Khó͘ Sûn-bí sī 1 ê.... khó-lîn. Chit-má lán khòaⁿ-tio̍h kah KMT kau-kiat ê hit tīn, iah-sī kah khì TK ê hit tīn. Lán iā khòaⁿ bōe tio̍h sáⁿ-mih khah kū-thé, khah o̍ah-lêng-lêng ê kiân-chòe ah. Chhiūⁿ-kóng 郭台銘 iā kài sim-sek. Thó͘-ti̍t thó͘-ti̍t, kan-taⁿ bat chîⁿ, m̄-chai siáⁿ-mih sī khì-chi̍t, bûn-bêng. Án-ni, chit khóan hó-gia̍h lán iā chin khòaⁿ bōe khí.
Khó͘ Bûn-liông leh? Siat 1 keng Kî-bí phok-bu̍t-kóan, ná-sêng chin ū chúi-chún, chin ū khì-chit, koh lāi-bīn siu-chông bōe-chió sè-kài kip ê ga̍k-khì, iā put-sî kú-pān chīn ū chúi-chún ê im-ga̍k-hōe. Án-ni leh? Lán m̄-khéng àⁿ-thâu chiap-siū Siōng-tè ê un-tián! Iā m̄-khéng jīn lâng che sī iu-siù ko-kip ê hó-gia̍h-lâng. Siáⁿ sim-su leh hóan-pōan leh ?

Friday, 6 February 2015

gō͘-cha̍p ti thian-bēng ?

Tē 50 ê siⁿ-ji̍t kám sǹg sī 50 hòe? Khóng-chú kóng i gō͘-cha̍p jî ti thian-bēng. Lán tì-sek chai-bat ke i 2000 tang, iah leh bông-bông biáu-biáu.
Sè-sū lú khòaⁿ, lán lú bê-bông. It-poaⁿ lâng só͘ khak-tēng ê jîn-seng kè-ta̍t, lán í-chá tēng-kui ē kā i pâi-tû, hó͘-tēng, khin-sī, siōng-bô chún chham-khó niâ. Ba̍k-kim, liân chit khóan chū-sìn iā thòe-pō͘ ah. Kì-tî, sin-khu, kap lí-kái lêng-le̍k lóng sī án-ni. Kiù-kèng sī thâu-chêng éng-hióng āu-piah, iah-sī āu-piah thoa-lūi thâu-chêng. Lán iā hun bōe chheng.
It-sū bû sêng ê kam-kak lú-lâi-lú kiông, iā lú-lâi-lú éng-hióng ji̍t-siông seng-o̍ah. Bô hoat-tō͘ an-chēng, chù-sim lâi chòe pún-chiâⁿ tio̍h beh chòe ê tāi-chì. Iām̄-káⁿ khì take risk chòe sin-siáⁿ ê tāi-chì, koh lú m̄-káⁿ siàu-siūⁿ pôe-iúⁿ sin lêng-le̍k.
Ta̍k-ji̍t khùn bōe an-sim khì khùn, chá-khí bô tōng-le̍k cheng-sîn. Án-ni, beh án-chóaⁿ sī hó leh ?

Chit chióng hôan-ló, tāi-khài, phah-sǹg sī àn A-bú tāng chèng kàu kòe-sin hit chām khai-sí.
Iā kám ē-sái kóng FB tîⁿ siuⁿ ân só͘-tì? Kai khai-sí kui-ōe FB sî-kan ~"~
Chhiūⁿ, án-ni : B22816 chai--lo̍h-lâi, kàu taⁿ lâng iah-bōe lóng-chóng chhōe--tio̍h. Tio̍h-sǹg chhōe tio̍h. Lán ê sim-chiâⁿ ná-sêng lóng bōe hoe-ho̍k, chhan-chhiūⁿ 2009 ê 8 8, Koh khòaⁿ tio̍h 1 kóa lâng teh 小確幸, Lán tio̍h m̄-chai tio̍h-ài iōng sáⁿ khóan ê thāi-tō͘ kap án-chóaⁿ ê chêng-sû khì kap in chih-chiap, ai-sa-chuh....

Cha-hng kah A-hun kā 五歲的心願khòaⁿ liáu. Thian-chin ê gín-á, sûn-jiân lo̍k-thiòng ê giân-gí, m̄-kú hō͘ lâng sim-chiâⁿ lú kám-kak pi-siong.
In ê siat-kè, sī chhím khai-sí, A-chí chhōa sió-tī, kî-si̍t sī Sió-tī chhōa a-chí, nn̄g lâng siong-i-ûi-bēng, ta̍uh-ta̍uh-á thàu-lāu in sī beh khì chhōe lāu-bú. In-ūi A-chí chhiⁿ-mî. Sió-tī gín-á sèng iā chin thé-thiap. Lóng ē thiau-kang tī a-chí bīn-chêng kek hoaⁿ-hí ê piáu-hiān, kiaⁿ a-chí tam-sim, iu-chhiû. A-chí chai-iáⁿ A-bú í-keng sí. Ū-sî ē hō͘ A-chí hôan-ló kiaⁿ-hiâⁿ. Bô lāu-bú ê ko͘-jî pi-ai, siong-sim ta̍uh-ta̍uh-á ta̍uh-ta̍uh-á lú-lâi-lú kāu lú-lâi-lú kiông.
A-hun kóng ná-sêng bān-lí chhōe lāu-bú hit chhut leh. Lán kóng, Korean in khah bōe kō͘ "sàn-chhêng" ê kiok-chêng thî-thî-khàu-khàu. Phòe-ga̍k kǹg-khîm bōe bái.

Thursday, 5 February 2015

chhài-chhī-á tō-tek 菜市á道德

Lán m̄-sī beh kóng "仗義半從屠狗輩,負心都是讀書人" chit khóan chia̍h káu-bah tián khì-khài ê, lán beh kóng chhiūⁿ Tâi-tang Tân Chhiū-kiok hit khóan.
Koh-ū chit khóan tō-tek ē-sái chóan-ōaⁿ kim-chîⁿ kè-siàu.
Sin-bûn leh kóng, ū bōe chió lâng, cháu khì cha-hng poe-lêng-ki chai lo̍k-khì ê só͘-chāi hip-siōng, beh kì-liām. Che ín-khí chin chōe bāng-lō͘ téng ê lâng chhut-siaⁿ chí-chek, kóng in sit liáu jîn-sèng. Lán hoan-thâu chhim-siūⁿ. Che kám m̄-sī bîn-chêng, kám m̄-sī jîn-sèng. Pháng sī chia ê lâng khah o͘-àm hit bīn ê jîn-sèng ah.

Che bāng-lō͘ téng tiāⁿ-tiāⁿ ū [ná tú--tio̍h chiah koh siu-chi̍p].

Lán nā khiā tī phó͘-thong lâng chit bīn, kng chhiō ê chit bīn khí khòaⁿ, tek-khak khóaⁿ bōe chòe. Sī-kóng, lán kám bōe ū 1 si-si-á kap in sio-siâng ê sim-chiâⁿ? chí-pu-kò sī lán hō͘ kng chhiō tio̍h, m̄-káⁿ khì chòe in teh chòe ê tāi-chì niâ? chhiūⁿ kóng, chhòan âng-teng, nā chhut tāi-chì, lán lóng ē kí-kí tu̍h-tu̍h hia ê chhòan âng-teng ê lâng, m̄-kú, lán éng-éng iā ē chòe sio-kāng ê tāi-chì, iah-sī chia̍h chiú sái-chhia, tī bōe-sái chia̍h hun ê só͘-chāi̍ chia̍h hun, khan káu-á o͘-pe̍h pàng sái? chhia lōan chhah, pun-sò lōan tàn ?

 Lán hoah siaⁿ chó͘-tòng káⁿ tio̍h chó͘-tòng ē tiâu ? chia bîn-chiòng ê só͘-chit kám tio̍h ē thê-seng ?

Hit ê Tâi-tiong Siau Ka-kî iā lī-iōng chit kiāⁿ chai-lān sin-bûn soan-thôan i ka-kī. Lán tùi i ê phoe-phòaⁿ, Che kám iā sī án-ni, chhài-chhī-á tō-tek.
chit piàn sì-lâng iā beh sut, chhiú giâ to-chhe chin su-bûn, chhân-hn̂g chhù-the̍h kāng kiông ku̍t, chit tīn jîn-sèng chá bâi-bu̍t
這遍死人也欲食, 手夯刀叉真斯文, 田園厝宅共強掘, 這陣人性早埋沒
khó-ò͘ koaⁿ-gê bîn théng-sēng, nā bô léng bô͘ chiâⁿ bōe sêng, kok-bîn-tóng lâng bōe piàn sèng, kín-kín chhia tó thang kìⁿ kheng
可惡官衙民寵恿, 若無冷漠成袂成, 國民黨人袂變性, 緊緊車倒通見虹
蕭家淇發文引發段宜康批評。翻攝自段宜康臉書

 --------------------
 Lēng 1 hong-bīn, cha-hng iā sûi ū lâng chhôan sio-sio ê chia̍h-mi̍h khì hia. che tian-tò khah chió lâng pò, khah chió lâng thôan, che kám m̄-sī iā-sī lán ê o͘-àm jîn-sèng?

mi-sou-si-ru




1. ú-tiū sī mi-so-si-ru A-kiông kap sù-siông sio-siâng, thàu-chá lâi kàu A-sam--á ê tiàm, iā sio-siâng tiám 1 óaⁿ khòng-bah pn̄g, 1 ti̍h-á thô͘-tāu, tāu-koaⁿ, hái-tòa chòe chá-tǹg. Kóng iā bô-leh gōa chá, ji̍t-thâu í-keng peh pí tùi-bīn ê ki-tē-tâi khah kôan ah. I khui-chhui kā A-sam--á mn̄g, hit ê iâⁿ-tūi lín kiáⁿ kám ū pò-miâ? Koh chhun nn̄g hi̍t tio̍h cha̍h-chí ah ô͘! Chū gín-á hioh-kà lé-pài gōa, i piān-nā lâi chia̍h chá-tǹg tio̍h it-ti̍t leh hōe chit chân tāi-chì ah. Chit ê sin lāu-su, khòaⁿ--khiaih chiok jia̍t-sim lioh. A-sam khang-khòe khah làng-chām, kiâⁿ óa lâi chē i tò-chhiú chiah khui chhùi kóng: Tio̍h ah, koh lâi góa chia, kā góa ko͘-chiâⁿ. Kóng gún kiáⁿ bô khì si̍t-chāi phah-sńg. Lán sī siūⁿ-kóng, gín-á 12 hòe ah, iā kai hō͘ i chhut-khì le̍k-iû, cheng-ka kóa keng-giām leh, koh chài kóng, chit ê iâⁿ-tūi chit-kú si̍t-chāi chiok sî-kiâⁿ lioh, lâi góa chia ê lâng-kheh 10 ê ū 8 ê leh hōe. A-kiông thâu ná tìm, iā ná sīm. Ba̍k-thâu sió-khóa khioh óa. Siūⁿ-beh kín khì pò-miâ koh hôan-ló, kóng kah chi̍h-chām, Sī-kóng, pō͘-pîn m̄-bat lī chhù hiah kú neh. Lán mā-sī teh hôan-ló kóng. M̄-kú, gún bó͘ mā chin sio-jia̍t, kóng cha-po͘ gín-á chóng-ū 1 ji̍t tio̍h ka-kī sêng-tam i 1 ke ê tāng-tàⁿ, chit ê iâⁿ-tūi thang hùn-lia̍n siōng hó. Bô lán kan-taⁿ khui tiàm, siōng-chōe chhōa i chhut-kok iû-lám, hāng-hāng lóng ū-lâng leh ho̍k-bū. Tio̍h sǹg khì surf, khì ski khì thiàu poe-lêng-ki, lâng mā lóng ûi-hō͘ kah hó-sè hó-sè. Kun-pún to͘ bô thiau-chiàn ê khong-kan ah. Ah, án-ni, lín kám khì pò ah? Gún kiáⁿ iah teh khó-lū. I kóng i teh siūⁿ khì o̍h thiàu-bú iah-sī khì iâⁿ-tūi. Lí mā chai-iáⁿ, chit ê gín-á nā koat-tēng lo̍h-khì, i tio̍h ē chīn chôan-la̍t, choan-sim khì chòe. o͘h, góa siūⁿ-kóng i nā khì pò ah, góa chiah chhōa gún A-lêng khì pò, hō͘ in 2 lâng ū-thang sio chiàu-kò͘. Gún A-lêng khah pì-sù, m̄-ku, chit ê iâⁿ-tūi i chin ài. Kah nā án-ni, góa mā lâi ko͘-chiâⁿ khòaⁿ bāi, pún-chiâⁿ góa sī lóng pàng i ka-kī koat-tēng. Iân-nā kóng, koh khì kò͘ tiàm, koh ū lâng-kheh lâi, sī A-chhun kap A-sioh in ang-á-bó͘. Khòaⁿ--khiaih tú cháu-kiān liáu. A-sam--á, kāng-khóan--ê haⁿh! Ji̍p-mn̂g, thâu o̍at lâi o̍at khì chiah khòaⁿ-tio̍h A-kiông, óa lâi chò-hóe chē. In lóng lāu chhù-piⁿ ah. Ah lin hāu-siⁿ kám ū pò-miâ ? 2 lâng chhiò-chhiò, A-sioh khui-chhùi kóng, ū ah, 2 ê hiaⁿ-tī-á sio-chio kóng beh khì, gún tio̍h hō͘ in khì ah.

Wednesday, 4 February 2015

月娘ê故事

Hŏng 批評理想 "不切實際 ê 空想", 汝kám tio̍h 因為hǒng 潑冷水 tio̍h án-ni 來放棄?汝應該費心思考, 觀察 ê  m̄是理想無可能實現, 是汝 chit-má ê 現實 離 汝 ê 理想  gōa hn̄g。
承受打擊kap 挫折, 無kài 困難, kài 困難ê 是lán承受打擊kap 挫折ê時, 無失去lán ê 熱情kap 理想。

選khah 困難ê 去chòe, kám tio̍h khah 有價值?
-----------------------------------------------------------------------------
想berh寫1 篇, 月球登陸營 ê gín-á 古。
冬天豋月訓練營30kang, 熱--人, 集中加強訓練 1 禮拜, 了,通過訓練檢定 chiah 有資格真正去1 期 1 禮拜, 去 半kang, 轉--來 半kang. 
冬天訓練營, 主要訓練情緒管理, 加強體能kap身軀柔軟, koh kap 別人協同完成khang-khòe ê 能力, koh tio̍h-ài 計劃berh 去 chhòng-siáⁿ.






無感覺ê 恐怖---復興航空 chai 飛龍機


chìn-chêng Kenji Goto hŏng phut 頭殼,koh kiaⁿ-ji̍t Jodan ê Pilot hŏng 燒--死。 Lán 竟然lóng 無chùn-būn, ná-sêng 講 he 是 另1ê 世界ê tāi-chì, kàu chit kiāⁿ 復興航空 chai 飛龍機ê tāi-chì, 猶原án-ni. Lán 真正起ka-léng-sún. Lán ná pìⁿ án-ni ?

chit ê 世間,尤其tī Tâi-oân, 到底lán ài án-chóaⁿ khiā 起 咧? Cho日lán chiah leh m̄ 敢聽老豬母hŏng淘汰, beh chhia 去 thâi ê 哀聲。



Pháng, 電腦, 電視 畫面 lóng 無聲, 若鏡花水月ê 世界,  kah lán 隔 1 têng 膜, 厚厚透明隔音效果極好ê 膜. 保護lán bōe tòng gōng 起空。 資訊chiah chōe, 敢對lán lóng 有意義, 有真實ê意義?Iah是爆炸ê 資訊純粹是 ta-pô͘ 無營養 ê 調味素 niâ?Lán ê 情感, 精神, 情緒 lóng kan-taⁿ 追求chit款味素?