2015年2月12日 星期四

khòaⁿ thiⁿ

khá-sú 地上人ê tāi-chì, thang 照天理運行.
Lán 是m̄是khah thang giâ 頭看 天?
欣賞i 曠闊ê 心, 無所不包ê 大, kap對萬物 純淨ê 容允



鯉魚飄2015.Feb 12
Cha-hng 高雄監獄, 有烏幫ê 監囚, 6ê 挾持典獄長。 了後, 顛倒夢想ê 劇情, koh 1 pái teh lán ê 寶島搬演. tio̍h lah, tio̍h是因為 hia ê 中國人, 所組織ê 政府, 司法, 執法 lóng 無1 ê 公義ê phiau-chún, 致kàu lán ê 寶島 pìⁿsêng 鬼á島。

島民, 穿插是 人形人pān, 文明科技koh也tòe 會tio̍h 21世紀ê 頭前chām. 真正是 看tio̍h 鬼m̄ chiah 會án-ni。 

眾人ná-sêng lóng是勞苦度日, 所致無愛ka-kī ê kiáⁿ-jî koh-chài 受苦, soah 連 送in 去學校, 也berh 選 khah 輕可ê 科系 去tha̍k. 事實, 物質生活早tio̍h 超過必須程度hn̄g-hn̄g ah. 

Hit 種 飫饑欠缺ê 心理創傷, 的確深深刻印tī lán ê 俗民大眾心肝頭. Chit ê 症頭, gún bú--á tio̍h 真明顯。I 也 不管時lóng teh 煩惱i ê kiáⁿ-jî sī-sòe chia̍h 有thang 飽無, chhēng 有thang 燒 無, 用 有夠無。無khòa 講, i 也有 3台 冷氣機, 2台冰箱, 3台電視, kiáⁿ-jî sī-sòe 也 lóng 超過 30 ah.  

汝berh 講i 母愛偉大, che 的確有影, 有母愛, m̄-koh lán bōe-tàng 承認 有 偉大ê 成分。顛倒講是痴, 是愚, 是制約死ê 精神. 感念母愛, 講母愛偉大, 人人愛聽, 人人輕鬆. 事實咧!

Gún 阿母, 確實是疼惜lán. I 驚lán 人生路程艱苦, i 一生艱苦kah 有chhun, i真正足驚 sī-sòe chhiūⁿ i hiah 艱苦, 用心計較, 費盡苦心, 連身命都hē 落去栽培lán. 可惜, 眼界總是有限, 尤其逼ân-ân ê 度活日子, 佔去超過5 份 4, hō͘ lán ê sìⁿ-miā 觀 竟然 hiah-nih 淺, 短, 讀書後pái 趁錢 khah 輕鬆tio̍h 好a。
I 也 確實kā gún 1 家 kâⁿ leh, keng持 leh. Hō͘ gún 有家庭, 母親ê 疼 kap 溫暖. 對照, gún lāu-pē i 樂暢放蕩ê 生活態度, 阿母ê mî-chiⁿ kap 付出 也m̄ 是空虛無重量. 總--是, i  phah算 kàu 死, mā iah m̄知 i ka-kī 真珠ê 價值。的確m̄知, 無 應當bōe kā 後半世lóng hē teh khioh怨。

Siáng 會知, 讀書了後, lán tio̍h 知影世界闊bóng-bóng, 人生多彩多姿, m̄-nā án-ni. Soah, tú 頭反對讀書是為tio̍h 趁錢。Kàu taⁿ, chit ê 意念固執tī心肝, iah koh-leh hō͘ lán chia̍h苦。《植》有講tio̍h, i 是phìⁿ-siùⁿ, kā讀書kan-taⁿ當做是改變生活條件ê手段。
星也teh 偷看lán 2015 Feb. 12

沒有留言:

張貼留言

Iū-koh leh siá he ah

 Iū-koh leh siá he ah bô thâu bô bóe Khoài pō͘ oh kái--ê  In-iû lâng bat  kā i kiò-chòe si-jîn sim-koaⁿ tòe kha-chhng phû kah pòaⁿ-thiⁿ-tén...