2015年12月10日 星期四

kian-kiông kap léng-bô͘

Kan-ta chi̍t chōa 路程 tio̍h 奔波 5 6 點鐘,nā koh 算 回程 tio̍h 超過 10 點鐘久。 Lán 無計較chia̍h tòaiah是小歇ê 所在都是流動ê,給料也無補貼,一切 tio̍h ka-kī hoa̍t-lo̍hlán 也 順--inChóng ǹg-bāng 無應該 ê ǹg-bāng Terh 拜一, lán ê 心肝真正  lak leh

 

事實,lán ka-kī leh 安慰 ka-kī,主要是kā in chi̍t-sut-á 機會 kap 人情體面, lán chá tio̍h 知影 in tio̍h án-ni  m̄-bat 世事 koh m̄ 聽人講話,hô-hóng教育。

 

所致,同事講,建議lán 教書tio̍h好,m̄-thang berh 教育inlán 一直bōe 死心,lia̍h tio̍h 機會tio̍h 發揮,是講真正死kah chin phái to̍h tio̍h

 

Lán 也 知影, 學生kàn-kiāu老師, 是常情常理, lán án-ni 安慰 學生。是講 kàn-kiāu liáu chóng--sī ài ka-kī koh chhōe 出路chiah tio̍h ahIā ài 去了解 ka-kī tú--tio̍h-ê siáⁿ-mih 困難 阻礙,ka-kī 無法度應付是siáⁿ 因端 ah。汝 kā chit-ê 人 消滅,汝 ê 問題kám tio̍h 解決ah Che hō͘ 我想--tio̍h,另chi̍t ê 學生,大學三年 á,作業 iah tio̍h kap in 老母tàu-tīn做。Lán 實在... 無法度 chhoh-kàn-kiāu ah

 

是講,Lán ê 心也是 肉做 ê,oan-na ē hông chha̍k 破,oan-na ē 流血。In án-ni bōe lán gōa pùn-sò lehM̄-kohlán chit-má kan-ta ē-tang 要求ka-kī 對上帝,對ka-kī ē 得過。Ǹg-bāng in 學 有起,tio̍h 看破。Lán 一直認定大學生是幼稚園 iah teh chia̍h 奶,chit 幾年tio̍h 覺醒, tio̍h 接受現實 ah

 

Lán chiah m̄ chhiūⁿ i ê hiah 強大ê 心。In lóng kan-ta lia̍h lán ê 話有刺niâbōe-tàng 體會lán ê 好心好意。Lán 實話實講,koh 是針對tāi-chìlán 在來 bōe 針對人,in lehtáu, 也 tio̍h bōe-tiâu ah。何況,人人心理差不多lóng tài 傷痕, 也lóng chiâu 是 刺。

 

Lán 自大學tio̍h 開始訓練ka-kī,聽話聽入心 講,lán 發現講 老實話lán  siōng自在,無khòa 別人愛, bōe kham 得承受,朋友也 án-nikoh chi̍t-ê chi̍t-ê kap lán ,漸漸 lán了解,人人背後chi̍t phāiⁿ 故事、委屈、因由,總-- lóng 罕得肯 照實講, lán tio̍h lú 無愛講話 ah

 

Chit ê 事件, 反應 常人bōe-hiáu面對困難,無才調講問題,kan-ta ē-hiáu 發洩情緒, hō͘ 情緒拖lerh 走。而且, 造成chit khoán 困難問題 iā m̄ chi̍t kang nn̄g kang,上課大部分時間lóng terh hôe 手機 á,開講,睏,bōe 自覺, 下課mā bōe 用時間去 了解內容,去研究。

沒有留言:

張貼留言

Iū-koh leh siá he ah

 Iū-koh leh siá he ah bô thâu bô bóe Khoài pō͘ oh kái--ê  In-iû lâng bat  kā i kiò-chòe si-jîn sim-koaⁿ tòe kha-chhng phû kah pòaⁿ-thiⁿ-tén...